ايام في الركشه

الركشه وما ادراك ما الركشه كما تعلمون قد دخلت الرقشه السودان في بداية التسعينات ففعلت العجب والصيام في رجب وزاع صيتها بين الناس حتي صارت اشهر من اسامه بن لادن وانتشرت في الولايات انتشار الجمره الخبيسه وقد دخلت القضارف في سنةالفين وقد نجحت نجاح باهر لما تقدمه للناس من خدمه مقابل اجر ذهيد
لا اطيل عليكم
انتم تعرفون كل شي عن الركشه والما ساقه صحبه ساقه ويكون ركبه تلاته مرات في اليوم يعني عند للزوم
ويقولون ان مركذ الاتصالات والركشه وبيت .... عدم المؤاخذه
واحد يعني لو اشتقلتا سواق ركشه ياويلك وسواد ليلك بتشوف العمرك ما شفتو
مره اشرت لي واحده وقالت لي وديني مشوار بيت عرس هنا قريب وتعال رجعني بعد نص ساعه اتفقتا معاها علي المبلغ المناسب وتحركنا وبعد ربع ساعه قالت لي بس هنا طلع واحد شاب مفتل واشر ليها
طوالي فهمتا الحكايه لا في عرس ولا هم يحزنون الشقله واضحه
قلتا ليه هي تعالي اديني حسابي انا ماراجع ليك ولو رجعتا مابرجع براي شكلي بجيب البوليس الكلام دا قلتو ليها بعد ضمنتا حقي ومشيت اهز في راسي يعني عادي تلاقي مناظر زي دي
وللرقشه مواقف كتيره
عايز من اي واحد يحكي لينا موقف من مواقفو في الركشه سواق ولا ذبون جوكي ولا جلابي ويبقي الامل شعلووب